Түркия — қазақстандықтар арасында күзгі және қысқы кезеңдерде де ең танымал бағыттардың бірі. Көптеген саяхатшылар бұл елде екі немесе одан да көп рет демалып үлгерген. Tengritravel.kz және Aviata.kz Түркиядағы «бәрі қосылған» жүйесі бойынша жұмыс істейтін ең үздік қонақүйлердің қайсысы екенін айтып береді.

Соңғы мәліметтерге сәйкес, Түркияда жалпы сыйымдылығы 2 006 151 орын болатын 18 142 қонақүй бар. Материалда қазақстандық туроператорлардың ұсыныстары, сондай-ақ өзекті рейтингке енген кейбір қонақүйлер қамтылған.

Kompas Tour туроператорының Түркия және Египет бағытының жетекшісі Салтанат Дүйсенқызы Белектегі ең үздік үш қонақүйді ұсынады.

«Сәнді бес жұлдызды Sueno Hotels Deluxe Belek қонақүйі Жерорта теңізінің жағалауында орналасқан. 2015 жылы салынған, жалпы аумағы — 1 410 000 шаршы метр. Жыл бойы жұмыс істейтін қонақүйде шексіз құмды жағажайда демалып, балаларға арналған түрлі іс-шаралар ұйымдастырылатын бассейндерде уақыт өткізуге болады. Туристерді жаз мезгіліндегі тамаша концерттер, ойын-сауық іс-шаралары мен анимациялық шоулардан ұмытылмас әсерлер күтеді. Ал қыс мезгілінде шығыс стилінде безендірілген заманауи спа және сауықтыру орталығында демалып, уақытты жағымды өткізуге болады», — дейді ол.

Кез келген талғамға сай ойын-сауық түрлері бар тағы бір қонақүй —  Maritim Pine Beach Belek. Ол қаланың ең көрікті аудандарының бірінде, Түрік Ривьерасының құмды жағалауында, әсем орман мен үлкен саябақтың ортасында орналасқан. Maritim Pine Beach Belek курорттық қонақүйінде қонақтар көптеген ойын-сауық түрлерін тамашалап, құмды жағажай көрінісі ашылатын балконы бар кең бөлмелерде демала алады. Helen спа-салоны ұмытылмас демалыс пен тыныштық сыйлайды.

« Bellis Deluxe қонақүйінде демалуды таңдаған туристер Жерорта теңізінің көз тартар көгілдір түсіне тамсанып, қонақүй аумағындағы балқарағай қарағайлары мен эвкалипттердің саясында салқын самалдан ләззат ала алады. Мұндағы демалыс жайлылық пен сән-салтанатты үйлестіреді», — дейді Салтанат Дүйсенқызы.

Толығырақ оқу >>

Дереккөз: tengritravel.kz