17.04.2024 ж. жаңартылған ақпарат

Құрметті әріптестер!

Қазіргі уақытта әуе компаниясынан рейстер кестесі мен жолаушыларды орналастыру тізімдері бойынша өзекті ақпаратты күтіп отырмыз.

Кейбір өтінімдер бойынша туристер әуе компаниясымен өздері байланысып, қолжетімді басқа рейстерге қайта брондау рәсімін жасаған.

Әлі де әуежайда жүрген туристерге қабылдаушы тараптың Voyage Tours компаниясының өкілдеріне жүгініп, байланыс деректері мен жаңа рейс туралы ақпаратты ұсыну қажет. Компания өкілдері күту кезеңінде орналастыру мүмкіндігі туралы ақпарат береді.

Қонақүйде тұру мерзімін өз қаражаты есебінен ұзартқан туристер барлық төлем түбіртектерін сақтауы қажет. Өз тарапымыздан шығындарды өтеу мүмкіндігін қарастыру үшін әуе компаниясына сұрау жолдаймыз.

Ұшуының бастапқы жоспарланған уақыты әлі келмеген және қонақүйде орналасқан туристерден қабылдаушы компанияның жедел желісімен байланыста болуды сұраймыз. Әуе компаниясынан нақты ұшу уақыты туралы ақпарат алғаннан кейін Voyage Tours туристерді орналастыру және трансферлер бойынша шешім қабылдап, қосымша хабарлайды.

Жаңа ақпарат пайда болған жағдайда қосымша хабарлаймыз.

16.04.2024 ж. ақпарат

Құрметті әріптестер мен жолаушылар!

Қолайсыз ауа райына байланысты Дубайға және Дубайдан орындалатын рейстер кешіктіріліп, кейінге шегеріліп немесе тоқтатылуы мүмкін.

Егер сіз қазір БАӘ әуежайында болсаңыз, ең жақын қолжетімді рейстерге қайта брондау жасау, сондай-ақ қызмет көрсету (тамақтану және орналастыру) мәселелері бойынша әуе компаниясының өкіліне жүгініңіз.

БАӘ-де ұшуын күтіп отырған жолаушылар үшін әуе компанияларынан жаңартылған рейс кестесін күтіп отырмыз. Рейстердегі өзгерістер туралы хабарламалар турагенттердің жеке кабинетіне жіберіледі.

Басқа қалалардан келген және ұшу әуежайында жүрген туристерге орналастыру және тамақтандыру мәселелері бойынша әуе компаниясының өкіліне жүгіну қажет.

Турды аннуляциялау туралы өтініштер турдың нақты брондау шарттарына сәйкес қаралады. Өз тарапымыздан шығындарды барынша азайту үшін барлық мүмкін шараларды қабылдаймыз.

Құрметпен,
KOMPAS Touroperator