Құрметті серіктестер!

2020 жылдың 17 тамызынан бастап Air Astana әуе компаниясының Алматыдан Дубайға тікелей рейстері қайта ашылады. Рейстер аптасына үш рет – дүйсенбі, сәрсенбі және сенбі күндері жайлы Airbus A321LR ұшағымен орындалады. Турларды сайтымыздан >> брондауға болады.

⚠ Барлық жолаушыларға әр сапар тек жағымды әрі жылы естеліктерге толы болуы үшін қауіпсіздік шараларын сақтауды ұсынамыз.


БАӘ-ге кіруге қойылатын талаптар (келушілер мен резиденттер үшін):

1. Міндетті ПТР-тест (96 сағат ішінде жарамды, нәтижесі теріс болуы тиіс).
   
   Дубайға келетін барлық жолаушыларда ағылшын немесе араб тіліндегі ПТР-тесттің теріс нәтижесі болуы қажет. Бұл талап БАӘ азаматтарына, резиденттерге, туристерге және транзиттік жолаушыларға қолданылады. 12 жасқа дейінгі балалар мен орташа немесе ауыр мүгедектігі бар жолаушылар бұл талаптан босатылады. Сонымен қатар, Дубай әуежайына келгеннен кейін COVID-19-ға тағы бір ПТР-тест тапсырылады. Нәтиже шыққанға дейін жолаушы үйде оқшаулануы тиіс. Егер нәтиже оң болса, жолаушы оқшауланып, Дубай Денсаулық сақтау басқармасының нұсқауларын орындауы қажет.
   
   
2. COVID-19 – DXB Smart App қосымшасын жүктеп алыңыз (iOS / Android).
   
   
3. Денсаулық декларациясын және карантиндік міндеттеме нысанын толтырыңыз.
   
   Дубайға келетін барлық жолаушылар, оның ішінде транзиттік жолаушылар да, ұшу алдында денсаулық декларациясын толтыруы қажет. Сонымен қатар, егер Дубай соңғы бағыт болса, бортта берілетін карантиндік міндеттеме нысанын (карантин мен емделуге байланысты барлық шығындарды өтеу туралы) толтырып, келген кезде Дубай Денсаулық сақтау басқармасының қызметкерлеріне тапсыруы тиіс.
   
   
4. Міндетті медициналық сақтандыру.
   
   Жолаушының БАӘ аумағында жарамды және COVID-19 тестінің оң нәтижесіне байланысты шығындарды өтейтін медициналық сақтандыруы болуы қажет. Бұл талап БАӘ азаматтарына, резиденттерге, туристерге және Дубайға келетін немесе ол арқылы транзитпен өтетін барлық жолаушыларға қолданылады.

Шетелден Қазақстанға келетін барлық жолаушылар Қазақстан Үкіметінің санитариялық-карантиндік талаптарымен міндетті түрде танысуы қажет.

 1-декларацияны жүктеп алу

 2-декларацияны жүктеп алу