Иль-о-Серф (Ile aux Cerfs), немесе Бұғы аралы, World Beach Guide нұсқасы бойынша 2023 жылғы әлемдегі ең үздік 100 жағажайдың ішінде 19-орынға ие болды. Бұл – Маврикийдің шығыс жағалауында орналасқан ауданы 87 гектар болатын шағын жеке арал. Арал ақ құмды жағажайларымен, көгілдір лагуналарымен, сондай-ақ мейрамханалардың, судағы және құрлықтағы ойын-сауық түрлерінің мол таңдауымен танымал.

Тру-о-Биш (Trou aux Biches) қардай аппақ жағажайларымен және көптеген демалыс мүмкіндіктерімен әйгілі. Бұл – дайвингпен айналысуға, мұхит түбін, теңіз тасбақаларын және басқа да теңіз жануарларын тамашалауға арналған ең жақсы орындардың бірі. Сондай-ақ бүкіл отбасы үшін қолайлы снорклингке арналған тамаша жағажай саналады.

Флик-ан-Флак (Flic en Flac) Маврикийдің батыс жағалауында, Гранд-Бэйден оңтүстікке қарай орналасқан. Жылдар бойы бұл өңір жергілікті туристер арасында танымалдығы бойынша екінші орынға көтерілді. Ол өзінің табиғи сұлулығы мен ерекше атмосферасын сақтап қалған. Бұрынғы тыныш балықшылар ауылы бүгінде сәнді демалысқа арналған танымал курортқа айналып, жыл сайын мыңдаған туристі қабылдайды.

Гранд-Бэй (Grand Baie) Маврикийдің солтүстігіндегі Ривьер-дю-Ремпар ауданындағы ауылдың құрметіне аталған жағалау аймағы. XVII ғасырда бұл аумақ голландтардың бақылауында болып, «De Bogt Zonder Eyndt» («Шексіз шығанақ») деп аталған. Гранд-Бэй мөлдір теңізімен, жанды курорттық атмосферасымен және желкенді спорт, жүзу, виндсерфинг, су шаңғысы сияқты көптеген су спорты түрлерімен танымал. Сондай-ақ мұнда кез келген дайындық деңгейіне сай снорклингпен айналысуға болады. Жаңадан бастаушылар үшін арнайы оқу курстары ұсынылады, бұл маржан рифтері мен су астындағы кемелерді зерттеуге мүмкіндік береді.

Ле-Морн (Le Morne) Маврикийдің оңтүстік-батысында орналасқан және келушілерге мұхит пен әйгілі Ле-Морн-Брабант тауының керемет көрінісін ұсынады. Басқа жағажайлармен салыстырғанда мұнда адам аз болғандықтан, тыныш әрі табиғат аясындағы демалысты қалайтындар үшін өте қолайлы. Шілде мен қыркүйек аралығында мұхит ағыстары мен тұрақты желдің арқасында бұл өңір кайтсерфинг пен парасейлингке өте ыңғайлы. Мұнда мейрамханалар мен барлар көп емес, сондықтан жеңіл ас алып келген жөн.

Мон-Шуази (Mont Choisy) қолжетімді әрі ерекше көркем жерде орналасқан. Ақ құмды жағажайлар көлеңке беретін ағаштармен көмкерілген, ал теңіз суы мөлдір әрі таза. Жағалау бойымен серуендесеңіз, өзіңіздің шағын жұмақ мекеніңізді табасыз. Бұл жер күннің шығуы мен батуын тамашалауға, жұмсақ құмда демалып, толқындардың үнін тыңдауға немесе жағалау маңында снорклингпен айналысуға өте қолайлы. Мон-Шуази – тыныш әрі жайлы демалыстың тамаша таңдауы.

Маврикий аралы мен оның таңғажайып жағажайлары туралы көбірек білгіңіз келе ме? KOMPAS компаниясына хабарласыңыз!

Алматы, Астана, Ташкент, Бішкек, Баку және басқа қалалардан турлар – тур іздеу

Ұшуға дейін 60 күн немесе одан ертерек брондағанда – ерте брондау бойынша +2%
Ұшуға дейін 30–59 күн бұрын брондағанда – ерте брондау бойынша +1%