Іс-шара шеңберінде ұйымдастырушылар туристерге жергілікті омарташылардың өнімдерінен дәм татқызып, Радон көліне  экскурсияға апарды. Саяхатшылар Алтай тауындағы өзге де өзен-көлдерді  тікұшақпен аралады.

Риддер – туристердің көп келетін орындарының бірі. Өлкенің ғажайып табиғаты туризмнің дамуына серпін беріп отыр. Қазір Алтай тауларын тамашалауға ниет танытқан шетелдік туристердің де қатары көбейген. Сондықтан ұйымдастырушылары тұңғыш рет Аltay golden fest фестивалін өткізуді қолға алды

Источник

Еліміздің әр өңірінен жиналған туристар жергілікті омарташылардың балынан дәм татты. Сондай-ақ қолөнер шеберлерінің жасаған бұйымдарын да тамашалады.

Тауда қос бірдей көл орналасқан. Бірі жер бетінен 700 метр биіктікте болса, екіншісі екі мың биіктікте жатыр. Туристердің  келетін орындарының бірі. Тіпті суы таза болғандықтан шай қайнатып ішуге болады. Осылайша Радон көліне де экскурсия ұйымдастырылды. Жол талғамайтын көлікке мінген туристер 60 шақырымдық құздан-құзға көтерілген тау жолын артқа тастады. Ал ондағы қос көлмен, таудан аққан сарқырама келушілерді  тамсандырды.

Динара Асанова, турист:

- Біз жол талғамайтын көліктермен көтерілдік қой. Бірақ жолды сол күйінде қалдырса екен. Кісілерге айттым, жолды жасамаңыздар деп. Джиппен көтерілген қызық екен. Мысалы, Араб Әмірліктерінен туристар келетін болса, плюсі көп.

Туристер Алтай тауының кереметін бір жарым сағат бойы тікұшақпен аралады. Шараны ұйымдастырушылар алдағы уақытта әуе саяхатын дамытпақ ниетте. «Себебі, көркем табиғатты көктен тамашалауға құлшыныс танытатындардың қатары көп», - дейді.

Анна Загоруйко, Kompas туроператорының директоры:

- Фестивалді жыл сайын ұйымдастыруды жоспарлап отырмыз. Туристердің тікұшақпен саяхаттауын да қолға алу керек. Кем дегенде, екі айда бір рет ұшыруымыз қажет. Енді келесі туристерді қыркүйек айына топтастырамыз. Әуе саяхаты қыркүйек айының аяғы мен қараша айының алғашқы күндеріне жоспарлануда.

Қазір шағын шаһарда 34 туристік нысан жұмыс істеуде. Өйткені мұнда  климат ерекшелігі қысы-жазы туризмді дамытуға зор мүмкіндік береді. Тіпті қыста да туристер үзілмейді. Сондықтан өңірде осы салаға қаржы құюға ниет білдірген инвесторлар да көбейген.

Дмитрий Горьковой, Риддер қаласының әкімі:

- Тау шаңғысына арналған екі орын бар. Бұл қыстық спортты дамытуға да мүмкіндік беруде. Сондықтан қыста келетін туристер көп. Тіпті Еуропа елдерінен де келушілер бар. Енді облыс әкімінің тапсырмасымен ішікі туризмді дамыту бойынша бағдарлама әзірлейміз.

Жергілікті билік өкілдері де ішкі туризмді дамытуға және саяхатшыларға жайлы жағдай жасауға ұмтылуда. Биыл бірінші рет қолға алынған фестивалде келесі жылы өз жалғасын таппақ.