19–21 тамыз аралығында қала мен оның маңында өтетін шара отандық туризмнің тағы бір бағытын ашуды мақсат етеді, деп хабарлайды YK-news.kz тілшісі.

Ұйымдастырушылардың айтуынша, мұндай фестиваль Риддерде алғаш рет өтпек. «Altay Golden Fest» шарасының маңызды міндеттерінің бірі — жергілікті табиғаттың алуан түрлілігін және қазақстандықтармен бірге шетелдік туристерге де қызықты болатын оқиғаларды көрсету. Биыл үш локация таңдалған. Келесі жылы олардың санын бірнеше есеге арттыру жоспарлануда.

— Әдетте, Шығыс Қазақстан туралы айтқанда, Бухтарма су қоймасы мен Белуханы еске алады, бірақ Риддерді ешкім атамайды. Таукен қаласы мен оның маңы өте қызықты, бірақ әлі күнге дейін көпшілікке белгісіз. Бұл — жабайы табиғаттың, пайдалы қазбалардың өлкесі, өзіндік тарихы бар аймақ, — дейді фестиваль ұйымдастырушыларының бірі Наталья Боровая. — Мұндай бірегей табиғат Қазақстанда өте аз қалды және әлемде сирек кездеседі. Осы өңірге назар аударып, отандық туризмнің тағы бір бағытын ашқымыз келеді.

Фестивальге түрлі этномузыкалық ұжымдар келеді: түркі, сібір, славян және т.б.

— Біз еліміздің этномәдениеттерінің алуан түрлілігін көрсеткіміз келеді. Олардың қаншалықты бірегей әрі қызықты екенін, — деп жалғастырады Наталья.

Шығармашылық бағдарлама үш күнге жоспарланған. Риддер тұрғындары мен қонақтары өз қызығушылықтарына қарай шараларды таңдап, қатыса алады.

19 тамыз (Риддер)

16:00-де Мәдениет сарайында қала әкімі Дмитрий Горьков, фестиваль ұйымдастырушылары және демалыс базаларының директорлары қатысатын баспасөз конференциясы өтеді.

17:00-де Мәдениет сарайы жанындағы алаңда — фестивальдің салтанатты ашылуы. Қонақтарды этномәдени ұжымдар мен Риддер және көрші өңірлердің шығармашылық топтарының концерті күтеді. Арнайы қонақ — Челябіден (Ресей) келген «Тюргэн Кам» этнотобы, олардың репертуарында түрлі стильдегі көмеймен ән айту өнері бар.

Сол жерде қолөнершілер жәрмеңкесі жұмыс істейді, ал балалар үшін арнайы бағдарлама ұйымдастырылады.

20 және 21 тамыз («Громотуха» демалыс базасы)

«Бал қоржыны» шарасы, мұнда келушілер түрлі алтай балдарының дәмін татып көре алады.

Бағдарламада: түрлі шеберлік сабақтары, концерт. Қонақтар — этникалық славян музыкасын орындайтын «Триполье» тобының Владимир және Наталья Борисовтары.

20 және 21 тамыз («Қара Уба» экопоселкесі)

«Тайга музыкасы» өтетін орын Риддерден 50 километр қашықтықта орналасқан.

Бағдарламада: орман экскурсиялары, арнайы бақылау алаңдарынан жануарларды тамашалау, табиғатпен үйлесімге келу — Илья Мордовецтің глюкофонының және Марина Широкихтың дабылдарының үнімен. Сондай-ақ саяхатшылар Қара Уба өзенінде шомыла алады.

Фестиваль ақылы және тегін шараларды қамтиды.

Барлық сұрақтар бойынша 8-777-811-13-13 нөміріне хабарласуға болады.

Фестиваль Риддер әкімдігі, қалалық мәдениет және ішкі саясат бөлімдерімен бірлесіп ұйымдастырылған.

Елена Бредихина
Фото: Наталья Боровая

Дереккөз