Жазғы маусымға турларды брондау әлі де жалғасуда, бірақ алғашқы болжамдарды қазірдің өзінде жасауға болады. Қазақстандықтар барған сайын экзотикалық бағыттарды таңдап, сапарларын соңғы сәтке қалдырмай, ерте брондау акцияларына қайта орала бастады. 

KOMPAS Touroperator бұл жазда қазақстандық туристердің демалысына әсер ететін негізгі трендтерді жинақтады.

Түркияға брондау өткен жылмен салыстырғанда артты

2023 жылы Түркия шетелдік туристер саны бойынша абсолютті рекорд орнатуға дайындалуда. Туризм индустриясы 2019 жылғы көрсеткіштен асып түсуді көздеп отыр, ол кезде елге 52 миллион қонақ келген болатын.

Биыл жазда KOMPAS Touroperator Анталия бағыты бойынша ең ауқымды ұшу бағдарламасын әзірледі. Түркияның басты курортына тікелей рейстер Алматы мен Астанадан, сондай-ақ Қарағанды, Қостанай, Өскемен, Ақтөбе, Ақтау, Атырау және Шымкент қалаларынан ұшады.

Түркияға тур жоспарлағанда, қонақүйлердегі баға өткен жылмен салыстырғанда айтарлықтай өскенін ескеру қажет — сұранысқа қарай 35–50% аралығында. Негізгі себептердің бірі — елдегі жоғары инфляция, ол дәстүрлі түрде еуромен белгіленетін отель бағаларына да әсер етуде.

Қазір шілде айының басына арналған турды екі адамға 5* отельде «UAI» жүйесімен 730 мың теңгеден сатып алуға болады. Ал шілденің басындағы ұқсас нұсқа қазірдің өзінде 830 мың теңгеден басталады.

Бағаның төмендеуіне алғышарттар байқалмайды: Түркияға сұраныс көптеген нарықтарда өте жоғары, ал танымал қонақүйлердегі орындар ерте брондау акциялары кезінде-ақ наурызда таусылған.

Черногория мен Грузия — өсім бойынша көшбасшылар

Бұл екі елдің ортақ тұстары көп: ұшу уақыты қысқа, виза талап етілмейді, дәмді асхана, бай экскурсиялық бағдарлама және табиғаты ерекше әдемі.

Осы себептермен бұл бағыттарға сұраныс жылдан жылға артып келеді. 2023 жылы KOMPAS Touroperator Грузия мен Черногорияға тікелей рейстермен турлар ұсынады. Air Astana әуе компаниясының ұшулары Астана мен Алматыдан маусымның басында басталады. Астанадан Батумиге рейстер алғаш рет — сәрсенбі және сенбі күндері ұшады. Алматыдан — аптасына 5 рет (сәрсенбі мен жексенбіден басқа күндері).

Подгорицаға ұшулар Астанадан аптасына үш рет (дүйсенбі, сәрсенбі, жексенбі), ал Алматыдан (сәрсенбі, жұма, сенбі) орындалады.

Батумиге демалысты екі адамға 4* отельде таңғы аспен бірге жеті түнге 540 мың теңгеден брондауға болады.

Черногория турлары екі адамға 3* отельде, тамақсыз — 750 мың теңгеден басталады.

Айырмашылықтар да бар. Егер сізге «all inclusive» жүйесіндегі демалыс керек болса — Черногория дұрыс таңдау, өйткені мұндай отельдер көп. Ал егер сіз белсенді турист болсаңыз, қаланы аралауды және көрікті жерлерге жақын болуды ұнатсаңыз — Батуми сізге көбірек ұнайды.

Ыстық елдерге қызығушылық жазда да жоғары

Бұл тренд соңғы бірнеше жылда дамып келеді және оны қысқаша былай сипаттауға болады — «қатаң маусым жоқ». 

Көпшілік Мысыр мен БАӘ сияқты ыстық елдерге күзде немесе көктемде бару керек деп санайды, ал жазда ауа тым ыстық. Алайда соңғы жылдары бұл пікір өзгере бастады, және туристер жазғы демалыс үшін де бұл бағыттарды таңдайды.

Мысыр жағажай демалысынан бөлек, Ніл бойындағы круиздер, жаңа тарихи ескерткіштер мен түрлі экскурсияларды ұсынады. 

Ал БАӘ заманауи ойын-сауық индустриясына көп инвестиция салып отыр: аквапарктер, суасты сүңгу орындары, тақырыптық саябақтар, шопинг орталықтары және т.б.

Көптеген отельдерде салқындатылатын бассейндер мен басқа да жайлы шешімдер енгізілген, бұл аптап ыстықты мүлде байқатпайды.

Туристердің қызығушылығы артқан. Жазғы маусымда KOMPAS Touroperator Мысырға ұшуларды төрт қаладан (Астана, Алматы, Шымкент, Ақтөбе) жалғастырады. Сонымен қатар flydubai әуе компаниясының рейстерімен БАӘ бағытындағы бағдарламалар да сақталады.

Маусым айының басында Шарм-эль-Шейхке 5* отельде «UAI» жүйесімен екі адамға бір апта демалыс — 850 мың теңгеден басталады.

БАӘ-де дәл осындай деңгейдегі демалыс та екі адамға 850 мың теңге шамасында.

Тайланд: жаңа өңірлер және Сингапур сапарлары

«Жымию Патшалығы» пандемияға дейін туристерді Пхукет пен Паттайядан басқа аймақтарға тартуға тырысып келген еді, ал кейін бұл үрдіс одан әрі күшейді.

Қазірдің өзінде нәтижелер байқалады: Краби, Пханг Нга және Ко Чанг аралдарына туристер ағыны артты. Келесі кезекте — Сатун мен Транг провинциялары. 

Бағалар да жағымды, әсіресе танымал курорттармен салыстырғанда. Мысалы, Пханг Нгада екі адамға 5* отельде бір апта демалыс — 970 мың теңгеден, ал Крабиде ұқсас нұсқа — шамамен 1 013 мың теңге.

Тағы бір танымал орын — Пхукет әуежайынан небәрі бір сағаттық жолдағы Као Лак аралы. Мұнда көптеген отельдер «all inclusive» жүйесін ұсынады. 

Биыл алғаш рет Алматы мен Астанадан Пхукетке чартерлік рейстерді Sunday Airlines компаниясы орындайды. Бұл бағытқа сұраныс жоғары, себебі бағасы қолжетімді турпакеттер ұсынылуда.

Air Astana компаниясы Таиландқа тікелей рейстерді жалғастырады: Пхукетке аптасына 4 рет, сондай-ақ Бангкокқа — тұрақты түрде, бұл бағыт қайтадан жыл бойғы кестеге оралды. Бангкоктан басқа да Оңтүстік-Шығыс Азия елдеріне ыңғайлы ұшулар бар — Малайзия, Сингапур, Бали, Вьетнам, Камбоджа және Филиппин. 

Сондай-ақ Таиландқа ұшатын туристерге енді Сингапурға қысқа сапар жасау мүмкіндігі бар. Ел билігі барлық ковид шектеулерін алып тастап, транзиттік туристерге визасыз кіруге рұқсат берді. 

Бәрі қарапайым: кері билет пен қонақүй броні болса жеткілікті — сіз үш күн бойы Оңтүстік-Шығыс Азияның інжу-маржаны саналатын Сингапурды визасыз аралай аласыз. 

KOMPAS Touroperator Таиланд туры аясында Сингапурға барғысы келетін туристерге толық қолдау көрсетеді.

Барлық бағыттар үшін ортақ бір үрдіс байқалады: туризм нарығы пандемияға дейінгі деңгейге оралуда, ал отельдер мен курорттардағы жүктеме одан әрі өседі, әсіресе Қытай нарығының белсенділігі артқан сайын. Сондықтан мамандар «жанып тұрған» турларға сенбеуге кеңес береді — жақсы қонақүйлерді тиімді бағамен табу қиындай түседі. Түркия мен Таиланд тәжірибесі көрсеткендей, ерте брондау — ең тиімді шешім.

Дереккөз: tourcode.kz