KOMPAS Touroperator 6 мамырдан бастап ковид шектеулеріне байланысты ұзақ үзілістен кейін Италияға турлар бағдарламасын қайта жандандырады. Әлемнің ең көрікті елдерінің біріне саяхаттар италиялық Neos авиакомпаниясының рейстерімен ұйымдастырылады.

Алматы–Милан (Мальпенса әуежайы) бағыты бойынша рейстер дүйсенбі және сенбі күндері бір сыныпты конфигурациядағы (эконом-класта 186 орын) жаңа жайлы Boeing 737 MAX ұшақтарымен орындалады.

«Біз жаңа әсерлер мен эмоциялар іздейтін көптеген туристер үшін Италия – арман екенін түсінеміз. Әлемнің ешбір елінде тарих, мәдениет, архитектура, кулинария және тамаша табиғаттың осындай үйлесімін таба алмайсыз. Мұнда Ренессанс атмосферасына еніп, әйгілі асханадан дәм татып, мұражайлар мен галереяларды аралап, қуат жинап, нағыз Dolce vita деген не екенін сезінуге болады», – дейді KOMPAS Touroperator Италия бағытының жетекшісі Татьяна Лысенко.

Рейстер Миланға келгеніне қарамастан, KOMPAS Touroperator өзінің бағдарламасын бір ғана қала шеңберінде шектемей, географиялық тұрғыдан кең ауқымды турлар ұсынады.

Ең алдымен, бұл Рим, Флоренция, Венеция және Верона сияқты қалалар бойынша классикалық экскурсиялық бағыттар. Сонымен қатар, туристер Миланнан Неаполь жағалауындағы Капри және Искья аралдарына барып, экскурсияны жағажай демалысымен үйлестіре алады. Тағы бір эксклюзив — әйгілі «миллионерлер князьдігі» Монакоға бару мүмкіндігі, сондай-ақ пойызбен Парижге саяхат.

Туристер Италияның қайталанбас табиғатынан да ләззат ала алады. Комо және Гарда көлдері, Италия Альпілері, Тоскана және басқа да табиғи көрікті жерлер экскурсиялық бағдарламаларда қолжетімді.

Сонымен қатар, Италия — шоппингке арналған мінсіз ел. Мұнда киім мен аксессуарлар бутиктері өте көп, ал KOMPAS туристері үшін Милан мен Римдегі сәнді аутлеттерге жеке шоппинг-турлар қолжетімді болады.

Барлық экскурсиялар кәсіби орыс тілді гидтердің сүйемелдеуімен өтеді. Сонымен бірге, KOMPAS орналастыру нысандарына ерекше көңіл бөлді: туристер 3 және 4 жұлдызды жайлы қонақүйлерде тұрады, ал барлық турларға таңғы ас енгізілген.

Сонымен қатар, KOMPAS Touroperator туристерге виза мәселелері туындаған жағдайда қосымша кепілдіктер ұсынады.

«Біз туристерімізге брондау бойынша ең қолайлы жағдай жасадық және шығалмау (невыезд) сақтандыруын ұсындық. Алғашқы төрт ұшуға ол пакетке тегін енгізіледі. Франшизасыз, және егер турист ұшу күніне дейін визасын ала алмаса, сақтандыру төлемі шығындарды айтарлықтай азайтуға мүмкіндік береді», – деп толықтырды Татьяна Лысенко.

Италияны KOMPAS Touroperator-пен бірге жаңа қырынан ашыңыз!

Дереккөз: tourcode.kz