Іс-шара аясында ұйымдастырушылар туристерге Радон көлiне экскурсия ұйымдастырды, онда олар жергілікті ара өсірушілердің өнімдерін татып көрді. Ал Горный Алтайдың басқа өзендері мен көлдеріне саяхатшылар тікұшақпен барды.

Риддер – ең танымал туристік бағыттардың бірі. Өңірдің әсем табиғаты туризмнің дамуына серпін береді. Қазір Алтай тауларын көргісі келетін шетелдік туристердің саны артты. Сондықтан ұйымдастырушылар алғаш рет Altay Golden Fest фестивалін өткізуді қолға алды.

Дереккөз

Елдің әр өңірінен жиналған туристер жергілікті арашылардың балын татып көрді. Сондай-ақ олар шеберлер жасаған бұйымдарды тамашалады.

Тау баурайында екі бірдей көл бар. Бірі теңіз деңгейінен 700 метр биіктікте, ал екіншісі — 2000 метр биіктікте орналасқан. Бұл — танымал туристік нысандардың бірі. Тіпті шай да қайнатуға болады, себебі суы өте таза. Осылайша Радон көліне де экскурсия ұйымдастырылды. Туристер жол талғамайтын көліктермен 60 шақырымдық тік таулы жолдан өтті. Қонақтар қос көл мен тау баурайынан аққан сарқырамаға тәнті болды.

Динара Асанова, турист:

- Біз тауға джиппен көтерілдік. Бірақ мен жолды қазіргі күйінде қалдырса екен деймін. Адамдарға жол салмаңдар деп айттым. Джиппен көтерілу өте қызықты. Мысалы, егер туристер Араб Әмірліктерінен келсе, артықшылықтары көп.

Туристер Горный Алтайдың ғажайыптарын тікұшақпен бір жарым сағатта аралап шықты. Іс-шара ұйымдастырушылары болашақта әуе қатынасын дамытуды жоспарлап отыр. «Себебі әсем табиғатты аспаннан тамашалағысы келетін адамдар өте көп», – дейді олар.

Анна Загоруйко, «Компас» туроператорының директоры:

- Біз фестивальді жыл сайын өткізуді жоспарлап отырмыз. Туристерге тікұшақпен саяхаттауды да жалғастырған жөн. Кем дегенде екі айда бір рет ұшыру қажет. Қазір келесі туристерді қыркүйекке топтастырып жатырмыз. Әуе сапарлары қыркүйек айының соңына және қарашаның басына жоспарланған.

Қазіргі уақытта қалашықта 34 туристік нысан жұмыс істейді. Өңірдің ерекше климаты қысқы және жазғы туризмді дамытуға үлкен мүмкіндік береді. Тіпті қыста да туристер жеткілікті. Сол себепті бұл салаға қаржы салуға мүдделі инвесторлар саны артты.

Дмитрий Горьков, Риддер қаласының әкімі:

- Тауда шаңғы тебуге арналған екі орын бар. Бұл қыстың спорт түрлерін дамытуға мүмкіндік береді. Сондықтан көптеген туристер қыс мезгілінде келеді. Тіпті Еуропадан келетін қонақтар бар. Енді облыс әкімінің тапсырмасы бойынша ішкі туризмді дамыту бағдарламасын әзірлейміз.

Жергілікті билік өкілдері де ішкі туризмді дамытуға және туристер үшін қолайлы жағдай жасауға ұмтылуда. Биыл алғаш рет өткен фестиваль келесі жылы да жалғасады.